22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Թուրքիայում գնաճն օգոստոսից ի վեր ամենամսյա ամենամեծ թռիչքն է գրանցել
Քաղաքականություն
05.02.2024 | 23:30
Հունվարին Թուրքիայում գնաճը գրանցել է ամենամեծ ամսական թռիչքը օգոստոսից ի վեր՝ դեկտեմբերի համեմատ աճելով 6,7%-ով, մինչդեռ տարեկան գնաճը հասել է գրեթե 65%-ի։ Այս մասին հայտնում է Duvar-ը՝ վկայակոչելով Թուրքիայի պետական վիճակագրական ինստիտուտի տվյալները։
Նախորդ տարվա նույն ամսվա համեմատ արձանագրվել է էական՝ 64,86 տոկոսի փոփոխություն, իսկ տասներկու ամսվա շարժական միջինի սկզբունքով՝ 54,72 տոկոս:
Նշվում է, որ նախորդ տարվա նույն ամսվա համեմատ ամենացածր աճ գրանցած հիմնական խումբը հագուստն ու կոշկեղենն է՝ 40,62 տոկոս։ Մյուս կողմից, ամենաբարձր աճ գրանցած հիմնական խմբում ռեստորաններն ու հյուրանոցներն են՝ 92,27 տոկոսով։
«Մենք ակնկալում ենք, որ ամսական գնաճը զգալիորեն կնվազի փետրվարից»,- գնահատելով հունվարյան գնաճի տվյալները՝ ասել է գանձապետարանի և ֆինանսների նախարար Մեհմեդ Շիմշեքը։
Թուրքիայի գնաճի հետազոտական խմբի (ENAG) ոչ պաշտոնական տվյալների համաձայն, որը ստեղծվել է 2020 թվականին՝ երկրի գնաճը վերահսկելու համար, CPI-ն հունվարին աճել է 9,38 տոկոսով, իսկ տարեկան գնաճը կազմել է 129,11 տոկոս։
Էմմա Չոբանյան
