25.11.2024 | 13:45
Նոր ձերբակալություն՝ Կենտրոնի թաղապետարանում. պաշտոնյան կալանավորվել է
Ադրբեջանի հատուկ նշանակության ստորաբաժանումները վարժանքներ են անցկացրել
Քաղաքականություն
05.02.2024 | 22:45
Ադրբեջանական հատուկ ջոկատայինները վարժանքներ են անցկացրել հակառակորդի պաշտպանությունը ճեղքելու և հենակետը գրավելու սցենարով։ Այս մասին հայտնում է Ադրբեջանի ՊՆ-ն։
Նշվում է, որ պաշտպանության նախարարի կողմից հաստատված 2024 թվականի պատրաստության պլանի համաձայն՝ հատուկ նշանակության ստորաբաժանումների հետ անցկացվել են մարտավարական և հատուկ վարժանքներ «Սաստիկ ցրտահարության պայմաններում մարտական գործողությունների անցկացում» թեմայով։
«Հատուկ մարտավարական զորավարժությունների ընթացքում հատուկ նշանակության ջոկատներն իրականացրել են տեղանքի վերադասավորության խնդիրները և մարտավարական վերադասավորումներ կատարել բարձրլեռնային գոտում՝ ուժեղ ցրտահարության պայմաններում։ Կատարվել են պայմանական հակառակորդի պաշտպանությունը ճեղքելու, հենակետ գրավելու, առաջին բուժօգնություն ցուցաբերելու և վիրավորներին մարտադաշտից անվտանգ տարհանելու խնդիրները»,-ասվում է տարածված հաղորդագրության մեջ։
Էմմա Չոբանյան
