07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Քաղաքացիական դատավարության օրենսգրքում փոփոխություններ կկատարվեն․հանձնաժողովը դրական եզրակացություն է տվել նախագծին
Հասարակություն
05.02.2024 | 14:07
ԱԺ պետական-իրավական հարցերի մշտական հանձնաժողովը փետրվարի 5-ի արտահերթ նիստում երկրորդ ընթերցմամբ քննարկել է «Հայաստանի Հանրապետության քաղաքացիական դատավարության օրենսգրքում լրացումներ եւ փոփոխություններ կատարելու մասին» օրենքի նախագիծը․ տեղեկացնում են ՀՀ ԱԺ-ից։
Նախաձեռնությամբ առաջարկվող իրավակարգավորումները նպատակ ունեն թեթեւացնել դատարանների ծանրաբեռնվածությունը, լուծել իրավակիրառ պրակտիկայում ի հայտ եկած խնդիրները:
ՀՀ արդարադատության նախարարի տեղակալ Արմենուհի Հարությունյանը ներկայացրել է այն բովանդակային եւ խմբագրական բնույթի փոփոխությունները, որոնք կատարվել են առաջին ընթերցմամբ ընդունվելուց հետո: Առաջարկներն ընդունվել են, ինչի արդյունքում նախագիծը լրամշակվել է:
Հանձնաժողովը դրական եզրակացություն է տվել նախագծին: Այն կքննարկվի ԱԺ առաջիկա հերթական նիստերի ընթացքում:
