06.08.2026 | 15:27
Սամվել Կարապետյանի գործով դատական նիստը. ՈՒՂԻՂ
ԵՄ-ն Ուկրաինային օգնելու համար ռազմական հիմնադրամ կստեղծի. Բորել
Քաղաքականություն
04.02.2024 | 14:19
Եվրամիությունը մոտ օրերս նախատեսում է ստեղծել ռազմական հիմնադրամ՝ Խաղաղության եվրոպական հիմնադրամի շրջանակներում Ուկրաինային աջակցելու համար։ Այս մասին hայտարարել է ԵՄ դիվանագիտության ղեկավար Ժոզեպ Բորելը ԵՄ ԱԳ նախարարների ոչ պաշտոնական հանդիպումից հետո, գրում է РБК-Украина-ն։
«Այսօր բովանդակային քննարկումներ են եղել մարտադաշտում տիրող իրավիճակի, ռազմական մատակարարումների և Ուկրաինային ռազմական օգնություն տրամադրելու հիմնադրամի ստեղծման շուրջ, որը, հուսով եմ, կհամաձայնեցվի առաջիկա օրերի ընթացքում»,- ասել է դիվանագետը:
«Ուկրաինայի ռազմական աջակցության հիմնադրամի ստեղծումը Բորելի գաղափարն է։ Նա առաջարկել է ԵՄ-ին ստեղծել այն արդեն գոյություն ունեցող Խաղաղության եվրոպական հիմնադրամի շրջանակներում։ Այս հիմնադրամից գումարները կծախսվեն Ուկրաինային ռազմական տեխնիկա և սպառազինություն մատակարարելու, ինչպես նաև եվրոպական պաշտպանական արդյունաբերության հզորացման համար»,- գրում է աղբյուրը։
