Քաղաքականություն
02.02.2024 | 23:02
Իտալական սպորտային մեքենաներ արտադրող Ferrari N.V-ն 2023 թվականին գրանցել է ռեկորդային արդյունքներ՝ նախորդ տարվա համեմատ զուտ շահույթի 34% աճ, իսկ եկամուտի՝ 17% աճ արձամագրելով։ Այս մասին ընկերությունը հայտնել է իր տարեկան հաշվետվության մեջ։
Անցյալ տարի Ferrari-ի զուտ շահույթը կազմել է 1,26 միլիարդ եվրո, ինչը 34 տոկոսով ավելի է 2022 թվականի համեմատ, ասվում է մամուլի հաղորդագրության մեջ:
Ավտոարտադրողի զուտ շահույթը տարվա վերջին եռամսյակում կազմել է 294 մլն եվրո, ինչը 33%-ով ավելի է, քան նախորդ տարվա նույն ժամանակաշրջանում։
Ferrari-ի չորրորդ եռամսյակի վաճառքները տարեկան կտրվածքով նվազել են 2%-ով՝ հասնելով 3,245-ի, սակայն ամբողջ տարվա մատակարարումները աճել են 3%-ով՝ հասնելով 13,663-ի:
Ferrari-ի բաժնետոմսերը թանկացել են 5%-ով: Ընկերության կապիտալիզացիան վերջին մեկ տարում աճել է 37,6%-ով և կազմում է մոտ 79,6 մլրդ եվրո։
