07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Գերմանիայում 1100 չվերթ կչեղարկվի 11 օդանավակայաններում գործադուլի պատճառով
Քաղաքականություն
01.02.2024 | 14:18
Գերմանիայի օդանավակայաններում փետրվարի 1-ին առնվազն 1100 չվերթ կչեղարկվի, ինչի պատճառով կտուժի մոտ 200 հազար ուղևոր, հաղորդում է գերմանական օդանավակայանների ADV ասոցիացիան։ Պատճառն օդանավակայանների անվտանգության աշխատակիցների մեկօրյա նախազգուշական գործադուլն է, որը կազմակերպել է Ver.di արհմիությունը, գրում է DW-ի ռուսական ծառայությունը։
Գործադուլը կանցկացվի երկրի 11 օդանավակայաններում՝ Մայնի Ֆրանկֆուրտում, Համբուրգում, Բեռլինում, Դյուսելդորֆում, Քյոլնում, Շտուտգարտում, Բրեմենում, Հանովերում, Լայպցիգում, Դրեզդենում և Էրֆուրտում։
Գործադուլը չի ազդել Մյունխենի և Նյուրնբերգի օդանավակայանների վրա, սակայն այդ քաղաքներ բոլոր չվերթները կչեղարկվեն։
Գործադուլին մասնակցում են օդանավակայանների 25 հազար աշխատակիցներ, որոնք վերահսկում են ուղևորներին, ուղեբեռն ու անձնակազմը։ Ver.di արհմիությունը հակասության մեջ է օդային անվտանգության և վերահսկողության ընկերությունների BDLS դաշնային ասոցիացիայի հետ, որը պահանջում է գործադուլավորների աշխատավարձի բարձրացում ժամում 2,80 եվրոյով, պաշտոնական բոնուսների և լրացուցիչ վճարումների ավելացում արտաժամյա աշխատանքի, գիշերային, հանգստյան և տոն օրերին աշխատանքի համար:
