07.10.2026 | 23:48
Արթուր Դանիելյանը կալանավորվեց
Հյուսիսային Կորեան հայտարարել է միջուկային զենք կրելու ունակ Hwasal-2 հրթիռի փորձարկումների մասին
Քաղաքականություն
01.02.2024 | 10:41
Հյուսիսային Կորեայի իշխանությունները հայտարարում են, որ հունվարի 30-ին վարժանքներ են անցկացրել՝ արձակելով միջուկային զենք կրելու ունակ Hwasal-2 ռազմավարական թևավոր հրթիռ։ Այս մասին հայտնում է հարավկորեական Yonhap լրատվական գործակալությունը։
Պաշտոնական Փհենյանը նշում է, որ Դեղին ծովի ուղղությամբ հրթիռի արձակումը «բացասական ազդեցություն չի ունեցել հարևան երկրի անվտանգության վրա»։
Հարավկորեացի փորձագետները, վերլուծելով հյուսիսկորեական կողմի ներկայացրած լուսանկարները, արձանագրել են, որ Hwasal-2-ը թռել է ցածր բարձրության վրա։
Հյուսիսային Կորեան Hwasal-1 և Hwasal-2 թևավոր հրթիռները առաջաին անգամ փորձարկել է 2021 թվականի սեպտեմբերին և 2022 թվականի հունվարին: Ենթադրվում է, որ դրանք ունեն համապատասխանաբար 1500 կմ և 2000 կմ թռիչքի հեռահարություն:
