22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Օվերչուկի այցից հետո Բաքու է մեկնել ՌԴ արտակարգ իրավիճակների նախարարը
Քաղաքականություն
31.01.2024 | 15:47
Բաքու է ժամանել ՌԴ քաղաքացիական պաշտպանության, արտակարգ իրավիճակների ու բնական աղետների հետևանքների վերացման նախարար Ալեքսանդր Կուրենկովը։ Ադրբեջանական լրատվամիջոցների հաղորդմամբ՝ նա հանդիպել է Ադրբեջանի վարչապետ Ալի Ասադովին։ Հանդիպմանը նշվել է ադրբեջանա-ռուսական ռազմավարական գործընկերության բարձր մակարդակը, ընդգծվել է երկու երկրների համագործակցության ակտիվ զարգացումը բոլոր ոլորտներում, այդ թվում՝ արտակարգ իրավիճակների կանխարգելման և արձագանքման։ Կողմերը կարևորել են 2024-2026 թվականների համար երկու երկրների միջև Համատեղ գործողությունների ծրագրի ստորագրումը:
Ռուսական գերատեսչության ղեկավարը պատրաստակամություն է հայտնել վերսկսել համագործակցությունը ականազերծման ադրբեջանցի մասնագետների վերապատրաստման ուղղությամբ։ Կուրենկովը նաև առաջարկել է վերսկսել «Կասպյան» զորավարժությունները, որոնք անցկացվել են երեք տարի շարունակ նախքան կորոնավիրուսի համավարակը։
Հավելենք, որ ավելի վաղ Բաքվում էր ՌԴ փոխվարչապետ, ռուս-ադրբեջանական միջկառավարական հանձնաժողովի համանախագահ Ալեքսեյ Օվերչուկը։ Նա և Ադրբեջանի փոխվարչապետ Շահին Մուստաֆաևը ստորագրել էին ադրբեջանա-ռուսական համագործակցության զարգացման հիմնական ուղղությունների վերաբերյալ «Ճանապարհային քարտեզը»։
