12.08.2026 | 11:59
Արման Եղոյանի ճեպազրույցը. ՈՒՂԻՂ
Փարիզի մերձակայքում տրակտորներ և փակ ճանապարհներ. ֆերմերները շարունակում են բողոքի ցույցերը
Քաղաքականություն
31.01.2024 | 22:23
Եվրոպացի ֆերմերները դժգոհում են չափազանց մեծ սահմանափակումներից և շուկայում անբարեխիղճ մրցակցությունից։
Փարիզի մուտքն արգելափակված է, Ֆրանսիայում գյուղատնտեսության աշխատողները շարունակում են իրենց բողոքը։ Ֆերմերները տրակտորներով արգելափակել են երթեւեկությունը երկրի մի քանի մայրուղիներում, գրում է Euronews-ը:
Ֆերմերները պահանջում են ավելի բարձր աշխատավարձեր, սահմանափակումների մեղմացում և ծախսերի նվազեցում: Երեքշաբթի օրը կառավարության ղեկավարը խոստացել է պաշտպանել ֆրանսիացի ֆերմերներին «անբարեխիղճ մրցակցությունից» և ներկայացրել է մի շարք այլ միջոցներ։
Ազգային ժողովում իր ելույթում վարչապետ Գաբրիել Աթալն ասել է օրենսդիրներին, որ «նպատակը պարզ է. երաշխավորել արդար մրցակցություն, հատկապես, որպեսզի այն կանոնները, որոնք վերաբերում են (ֆրանսիացի) ֆերմերներին, հարգվեն նաև արտասահմանյան արտադրողների կողմից»:
«Մենք պետք է լսենք ֆերմերներին, ովքեր աշխատում են և անհանգստանում իրենց ապագայի և ապրուստի համար», – ասել է Գաբրիել Աթալը:
Ֆրանսիացի ֆերմերներն դժգոհում են, որ պարարտանյութերի, էներգիայի գների աճը խլում է իրենց եկամուտը:
