14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Զինանշան՝ առանց Արարատ լեռան․ ինչ փոփոխություն է առաջարկում իշխանությունը պետական խորհրդանիշերում․ ՏԵՍԱՆՅՈՒԹ
Քաղաքականություն
30.01.2024 | 21:40
ՀՀ օրհներգն ու զինանշանը պետք է փոխել՝ կարծում է ԱԺ նախագահը։ Ալեն Սիմոնյանը տելեգրամյան իր ալիքում գրառում է արել՝ ներկա օրհներգը գնահատելով որպես օտարածին։ Ըստ նրա՝ պետք է քննարկել նաև զինանշանի փոփոխության հարցը։
Դրանք բառախաղեր են, որոնց տակ թաքնվում է բուն խնդիրը՝ Արարատի պատկերով զինանշանից հրաժարումը․ ԱԺ նախագահի հայտարարության վերաբերյալ նման կարծիք է հայտնում ԱԺ «Հայաստան» խմբակցության պատգամավոր Գեղամ Մանուկյանը։ Ալեն Սիմոնյանի հայտարարությունը, ըստ Գեղամ Մանուկյանի, տեղավորվում է վերջին շրջանում իշխանությունների նախաձեռնած նոր Սահմանադրության ընդունման տրամաբանության մեջ։
Ռեժիսոր Ռուբեն Բաբայանն ընդգծում է՝ օրհներքի և զինանշանի պարագայում հիմնավորված և փաստարկված մասնագիտական մոտեցումներ են պետք, այլ ոչ թե քաղաքական հայտարարություններ։
Բաբայանը չի կարծում, թե օրհներգ կամ զինանշան փոխելով կարելի է հասնել մեծ փոփոխությունների, սակայն, ըստ նրա, գեղագիտական տեսանկյունից ավելի բարձրարժեք զինանշան և օրհներգ պետք է ունենալ։
ՀՀ օրհներգն ու զինանշանը փոխելու մասին քննարկումներ եղել են նաև նախորդ իշխանությունների օրոք, բայց բանը չի հասել գործնական քայլերի։ Դեռևս անցյալ տարի հունիսին Նիկոլ Փաշինյանը հայտարարել էր, որ զինանշանը կապ չունի 1991 թվականին հիմնադրված պետության հետ, իսկ օրհներգում առաջարկում էր փոխել վերջին քառատողը։
Արդյո՞ք Փաշինյանի իշխանությունը կգնա խորհրդանիշների փոփոխության՝ հարցի պատասխանը պարզ կդառնա առաջիկայում։
Մանրամասները՝ տեսանյութում։
Անի Թամրազյան
