07.11.2026 | 12:15
Վթարային ջրանջատում Երևանի Էրեբունի վարչական շրջանում
Թուրքիայի արտգործնախարարը մերժել է ռազմանավերի՝ Սև ծով անցնելու արգելքի վերացումը
Քաղաքականություն
30.01.2024 | 22:24
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Թուրքիան մտադիր է շարունակել լիովին հավատարիմ մնալ Մոնտրոյի կոնվենցիայի դրույթներին, որոնք կարգավորում են ռազմանավերի անցումը Բոսֆորի և Դարդանելի նեղուցներով։ Այս մասին հայտարարել է երկրի արտգործնախարար Հաքան Ֆիդանը բուլղարացի գործընկեր Մարիա Գաբրիելի հետ բանակցություններից հետո կայացած մամուլի ասուլիսում, փոխանցում է Կոմերսանտը։
«Մենք կշարունակենք ամբողջությամբ իրականացնել Մոնտրոյի կոնվենցիայի դրույթները: Հակառակի մասին մտածելու մասին խոսք անգամ լինել չի կարող, էլ ուր մնաց քննարկել նման հնարավորությունը»,- ասել է Ֆիդանը:
Հունվարի 23-ին ամերիկյան Պենտագոնի քարտուղարի միջազգային անվտանգության հարցերով օգնական Սելեստ Վոլանդերը հայտարարել էր, որ ԱՄՆ-ը մտադիր է Թուրքիայի հետ քննարկել ռազմանավերը Սև ծով թույլ տալու հարցը։ Այդպիսով, նրա խոսքով, Միացյալ Նահանգները ցանկանում է ստեղծել բարենպաստ միջավայր նորմալ առևտրային նավագնացության համար:
Մոնտրոյի կոնվենցիան ընդունվել է 1936 թվականին։ Փաստաթղթի 19-րդ հոդվածը սահմանում է, որ առևտրային նավերն իրավունք ունեն ազատ և առանց վճարի անցնելու Թուրքիայի կողմից վերահսկվող Բոսֆորով և Դարդանելիով։
