07.11.2026 | 12:54
Գևորգ Էմին-Տերյանի նկատմամբ ֆիզիկական ներգործության կատարելու կասկածանքով 3 անձ է ձերբակալվել. ՆԳՆ
ԱՄՆ-ը տեսնում է Ուկրաինային օգնության կրճատման հետևանքները․ Բլինքեն
Քաղաքականություն
30.01.2024 | 21:55
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Ուկրաինային ամերիկյան զենքի մատակարարումների դադարեցման հետ կապված իրավիճակն արդեն ազդել է մարտի դաշտում իրավիճակի վրա։ Այս մասին ՆԱՏՕ-ի գլխավոր քարտուղար Յենս Ստոլտենբերգի հետ ասուլիսի ժամանակ հայտարարել է ԱՄՆ պետքարտուղար Էնթոնի Բլինքենը։
«Ուկրաինային մեր տրամադրած օգնությունը սպառվել է, մենք նույնիսկ որոշ վկայություններ ենք տեսնում, թե դա ինչ է նշանակում մարտի դաշտում»,- ասել է նա:
Բլինքենի խոսքով՝ Ուկրաինայի կարիքների համար շարունակական ֆինանսավորումը կարևոր է ինչպես ԱՄՆ-ի, այնպես էլ ՆԱՏՕ-ի գործընկերների կողմից: Իսկ այն փաստը, որ Ուկրաինային հատկացվող օգնության արժեքը բաշխվում է բոլոր դաշնակիցների միջև, պետք է հստակ ուղերձ լինի ԱՄՆ Կոնգրեսին, որ պետք է հաստատել լրացուցիչ ֆինանսավորման հարցումները:
«Բայց եթե Միացյալ Նահանգները չկատարի իր պարտավորությունները, ապա դա եվրոպացիների և այլ երկրների համար կդժվարացնի շարունակել անել այն, ինչ արդեն անում են։ Շատ կարևոր է, որպեսզի մենք կատարենք մեր պարտավորությունները»,- նշել է Բլինքենը։
Նա համոզմունք է հայտնել, որ ԱՄՆ դաշնակիցներն ամբողջ աշխարհում «կշարունակեն անել այն, ինչ անում են», իսկ Կոնգրեսում երկկուսակցական աջակցությունն Ուկրաինային կշարունակվի։
