01.11.2024 | 23:19
Հրդեհ Գյումրու տներից մեկում
Ուկրաինական ԶԼՄ-ները գրում են ԶՈւ գլխավոր հրամանատարի պաշտոնանկության մասին, ՊՆ-ն հերքում է
Քաղաքականություն
29.01.2024 | 23:37
Ուկրաինայի Զինված ուժերի գլխավոր հրամանատար Վալերի Զալուժնին կարող է ազատվել զբաղեցրած պաշտոնից, հայտնել է Interfax-Ukraine-ը՝ հղում անելով երկրի ռազմաքաղաքական ղեկավարությանը մոտ կանգնած աղբյուրին: Ըստ այդ տեղեկությունների՝ հրաժարականի մասին պայմանավորվածությունը ձեռք է բերվել Զալուժնիի և Ուկրաինայի նախագահ Վլադիմիր Զելենսկու հանդիպման ժամանակ։
Ըստ ուկրաինական ԶԼՄ-ներում հայտնված տեղեկությունների՝ Զելենսկին հրամանագիր է ստորագրել ԶՈւ գլխավոր հրամանատարին պաշտոնանկ անելու մասին, սակայն փաստաթուղթը դեռևս չի հրապարակվել․ ներկայումս խորհրդակցություններ են ընթանում արտասահմանյան գործընկերների հետ։ Ըստ որոշ տեղեկությունների՝ այդ պաշտոնի գլխավոր հավակնորդը համարվում է Ուկրաինայի հետախուզության ղեկավար Կիրիլ Բուդանովը։
«Ուկրաինսկայա պրավդայի» հաղորդմամբ՝ «ոչ մի հրամանագիր չկա, բայց նա իրերն է հավաքում»։ Current Time-ի փոխանցմամբ էլ՝ Ուկրաինայի պաշտպանության նախարարությունը հերքել է այս լուրերը․ «Ո՛չ, դա ճիշտ չէ»: Զելենսկիի մամուլի քարտուղարը նույնպես հերքել է Զալուժնիի հրաժարականի մասին ԶԼՄ-ներում հայտնված տեղեկությունները։
