09.04.2026 | 23:32
Պուտինը հայտարարել է «զատկական հրադադար»
Ուկրաինական բանակի կազմում 880 հազար մարդ կա․ Զելենսկի
Քաղաքականություն
29.01.2024 | 22:16
Ուկրաինայի նախագահ Վլադիմիր Զելենսկին գերմանական ARD հեռուստաալիքին տված հարցազրույցում ասել է, որ ուկրաինական բանակի հզորությունն այժմ կազմում է մոտ 880 հազար մարդ։
«Ունենք 880 հազար։ Մենք ունենք մեկ միլիոնանոց բանակ։ Սրա հետ մեկտեղ հիմա ունենք 30 միլիոն մարդ, կոնկրետ 30 միլիոն մարդ է աշխատում, միգուցե մի փոքր ավելին, չեմ կարող ճշգրիտ թիվ ասել»,- նշել է Ուկրաինայի նախագահը, փոխանցում է BBC-ի ռուսական ծառայությունը:
Նա նաև նշել է, որ 6,5-7,5 մլն ուկրաինացի լքել է երկիրը։
Զելենսկու խոսքով՝ պատերազմի առաջին օրերին արտերկիր մեկնած զինապարտները պետք է վերադառնան, և եթե ոչ կռվեն, ապա հարկեր վճարեն։
«Տարբեր մարդիկ հեռացան տարբեր պատճառներով։ Պատերազմի առաջին օրերին բոլոր սահմանները բաց էին։ Պատերազմ եղավ, մարդիկ փրկեցին իրենց երեխաներին, սա բոլորն են հասկանում։ Մարդիկ մեկնեցին աշխարհի տարբեր երկրներ, ոմանք մնացին այստեղ, դա յուրաքանչյուր մարդու ընտրությունն էր։ Մենք կցանկանայինք, որ Ուկրաինայի օրենքից դուրս հեռացած, մոբիլիզացիայի տարիքի մարդիկ լինեին Ուկրաինայում։ Հարցն այն չէ, որ նրանք բոլորը պետք է լինեն ճակատում, մենք մեծ բանակ ունենք։ Մարդիկ կան, որ գնացել են ու չեն վերադարձել իրենց աշխատանքին։ Դա իրենց իրավունքն է։ Բայց եթե նրանք Ուկրաինայի քաղաքացիներ են, ապա պետք է հարկ վճարեն, ցանկալի է՝ Ուկրաինայում։ Որովհետև մենք այդ գումարը տալիս ենք մեզ պաշտպանող մեր զինվորներին»,- հավելել է Զելենսկին։
