20.05.2026 | 09:29
ՀՀ տարածքում ավտոճանապարհները հիմնականում անցանելի են
Ստամբուլում կաթոլիկ եկեղեցու վրա հարձակման համար 47 մարդ է ձերբակալվել․ գլխավոր 2 կասկածյալները ՌԴ-ից և Տաջիկստանից են
Քաղաքականություն
29.01.2024 | 15:17
Թուրքիայի ներքին գործերի նախարար Ալի Երլիքայան Ստամբուլի ոստիկանական բաժանմունքում հանդես է եկել հայտարարությամբ տեղի կաթոլիկ եկեղեցում կիրակնօրյա պատարագի ժամանակ դիմակավորված երկու անձանց կողմից իրականացված զինված հարձակումից հետո իրականացված գործողությունների վերաբերյալ, որի հետևանքով զոհվել էր մեկ մարդ, հաղորդում է TRT Haber-ը։
«Մեր ոստիկանական ուժերն օրվա ընթացքում խուզարկություն են կատարել 30 տարբեր հասցեներում, մինչ այժմ բերման է ենթարկվել 47 մարդ: Ի վերջո, ժամը 22:00-ին հասցեներից մեկում կատարված խուզարկության ժամանակ սպանության երկու կասկածյալներն էլ բռնվել են: Նշեմ, որ նրանք օտարերկրյա քաղաքացիներ են․ մեկը՝ Տաջիկստանից, մյուսը՝ Ռուսաստանից, ԻԼԻՊ-ի անդամ են»,- ասել է Երլիքայան։
Նշենք, որ նախօրեին Ստամբուլի Սարիեր շրջանում Սուրբ Մարիամ իտալական կաթոլիկ եկեղեցին հարձակման էր ենթարկվել պատարագի ժամանակ։ Երկու դիմակավորված անձինք պատարագի ժամանակ կրակ էին բացել հավաքվածների ուղղությամբ, ինչի հետևանքով մեկ մարդ զոհվել էր։
Զինված հարձակման պատասխանատվությունը ստանձնել է ԻԼԻՊ-ը։ Խմբավորման Amaq լրատվականի՝ արաբերենով հրապարակված հայտարարության մեջ ասվում է, որ հարձակումն իրականացվել է ի պատասխան ԻԼԻՊ-ի առաջնորդների կոչին՝ թիրախավորել ամենուր հրեաներին ու քրիստոնյաներին։
Էմմա Չոբանյան
