Քաղաքականություն
26.01.2024 | 15:06
ԱՄՆ-ը ողջունում է Թուրքիայի նախագահ Ռեջեփ Թայիփ Էրդողանի կողմից ՆԱՏՕ-ին Շվեդիայի անդամակցության հայտի հաստատումը։ Այս մասին X-ում գրել է ԱՄՆ պետքարտուղար Էնթոնի Բլինքենը։
«Մենք ողջունում ենք Թուրքիայի նախագահ Ռեջեփ Թայիփ Էրդողանի կողմից ՆԱՏՕ-ին անդամակցության վավերացման հոդվածների ստորագրումը։ Մենք անհամբեր սպասում ենք Վաշինգտոնում փաստաթղթերը ստանալուն և Շվեդիային որպես ՆԱՏՕ-ի 32-րդ դաշնակից ողջունելուն: Շվեդիան և Դաշինքը միասին ավելի ուժեղ են»,- գրել է Բլինքենը։
Հիշեցնենք՝ Թուրքիան նախօրեին ավարտել է Շվեդիայի՝ ՆԱՏՕ-ին միանալու հայտի հաստատման գործընթացը։ Խորհրդարանում օրենքի ընդունումից հետո Էրդողանը հաստատել է որոշումը։
Էմմա Չոբանյան
