01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Էրդողանը պաշտոնապես հաստատել է ՆԱՏՕ-ին Շվեդիայի անդամակցության հայտը
26.01.2024 | 11:01
Թուրքիան ավարտել է Շվեդիայի՝ ՆԱՏՕ-ին անդամակցության հայտի վավերացման գործընթացը։ Թուրքական լրատվամիջոցների հաղորդմամբ՝ նախագահ Ռեջեփ Թայիփ Էրդողանը հավանություն է տվել խորհրդարանի որոշմանը։
«Նախագահ Ռեջեփ Թայիփ Էրդողանը հաստատել է Հյուսիսատլանտյան դաշինքին Շվեդիայի անդամության որոշումը, որն ընդունել էր Թուրքիայի Ազգային Մեծ ժողովը։ Էրդողանը ստորագրել է նախագահական հրամանը ՆԱՏՕ-ին Շվեդիայի անդամակցության վերաբերյալ և հաստատել համապատասխան արձանագրությունը»,-ասվում նախագահականի տարածած հաղորդագրության մեջ։
ՆԱՏՕ-ին Շվեդիայի Թագավորության միանալու արձանագրության վավերացումը հաստատող օրենքը հրապարակվել է Պաշտոնական տեղեկագրում։ Օրենքն ուժի մեջ է մտում Պաշտոնական տեղեկագրում հրապարակվելուց հետո։
Հիշեցնենք, որ ՆԱՏՕ-ին Շվեդիայի միանալու արձանագրության վավերացմանը հավանություն տալու մասին օրինագիծը Թուրքիայի խորհրդարանն ընդունել էր հունվարի 23-ին։ Քվեարկությանը մասնակցած 346 պատգամավորից 287-ը կողմ էր արտահայտվել, 55-ը՝ դեմ, 4-ը՝ ձեռնպահ։
Շվեդիայի՝ ՆԱՏՕ-ին միանալու հայտը դաշինքի անդամ երկրներից չի վավերացրել միայն Հունգարիան։
