12.01.2025 | 17:49
Սպիտակ-Վանաձոր երթուղու միկրոավտոբուսի վթարի հետևանքով 12 քաղաքացի տեղափոխվել է հիվանդանոց, բոլորը դուրս են գրվել
Ադրբեջանն ու Թուրքիան լրագրողների իրավունքների ոտնահարման հարցում առաջատարներն են․ ԵԽԽՎ զեկուցող
Քաղաքականություն
25.01.2024 | 21:59
Եվրախորհրդի խորհրդարանական վեհաժողովի (ԵԽԽՎ) լրագրողների և մամուլի ազատության հարցերով զեկուցող, Դանիայից պատգամավոր Մոգենս Յենսենը լրագրողների իրավունքների ոտնահարման դեպքերի թվով Եվրոպայում առաջատարներ է համարում Ադրբեջանն ու Թուրքիան։ Այս մասին նա ասել է ԵԽԽՎ-ի Media Box-ի հետ զրույցում։
«Լրագրողների և, ընդհանրապես, լրատվամիջոցների իրավունքների խախտումները շարունակում են աճել ամենուր։ 2015 թվականին գրանցվել է նման 180 դեպք, իսկ 2022 թվականին դրանց թիվը հասել է 280-ի։ Ամենավատ իրավիճակն Ադրբեջանում և Թուրքիայում է։ Այս և մի շարք այլ երկրներում մենք տեսնում ենք լուրջ հարձակումներ լրագրողների վրա, այդ թվում՝ սպանություններ, ոտնձգություններ և զրպարտչական արշավներ լրատվամիջոցների աշխատողների, հատկապես՝ կանանց դեմ: Այսօր Եվրոպայում 68 լրագրող կա բանտում, և սա հսկայական խնդիր է, որը մենք պետք է լուծենք»,- ասել է Յենսենը։
Նա նշել է, որ այդ երկրներին խնդրում են ապրել Եվրոպայի խորհրդի չափանիշներով, որի անդամն են, փոխել օրենսդրությունը և դրա կիրառումը։
«Կոչ ենք անում նաև կատարել Մարդու իրավունքների եվրոպական դատարանի որոշումները։ Մենք նաև կոչ ենք անում բոլոր երկրներին՝ մշակել ԶԼՄ-ների ազգային ռազմավարություն և երկխոսություն սկսել մամուլի ու կառավարության միջև՝ հասնելու լրատվամիջոցների ազատության և անվտանգության հարգմանը»,- հայտարարել է ԵԽԽՎ զեկուցողը։
Էմմա Չոբանյան
