07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Թուրքիայի ԿԲ-ն 8-րդ անգամ անընդմեջ բարձրացրել է հիմնական տոկոսադրույքը
Քաղաքականություն
25.01.2024 | 23:30
Թուրքիայի Կենտրոնական բանկն այսօր կրկին բարձրացրել է իր հիմնական տոկոսադրույքը ևս 250 բազային կետով՝ հասցնելով 45%-ի։ Սա տեղի է ունենում Թուրքիայի դրամավարկային քաղաքականություն մշակողների համար երկնիշ գնաճի դեմ շարունակվող պայքարի ֆոնին, երբ տոկոսադրույքի բարձրացումը վերջին քայլն է այդ ջանքերում, գրում է CNBC-ն։
Դեկտեմբերին Թուրքիայի գնաճը տարեկան կտրվածքով ավելացել է՝ հասնելով 64,8 տոկոսի՝ նոյեմբերի 62 տոկոսի փոխարեն, իսկ երկրի արժույթը՝ լիրան, հունվարի սկզբին հասել է նոր ռեկորդային նվազագույնի ԱՄՆ դոլարի նկատմամբ՝ մեկ դոլարի դիմաց հասնելով 30-ի:
Վերլուծաբանները կանխատեսում են, որ սա կլինի վերջին բարձրացումը որոշ ժամանակ, հատկապես՝ մարտին մոտեցող ՏԻՄ ընտրությունների հետ կապված։
Կենտրոնական բանկի որոշումը վերջինն է տոկոսադրույքների բարձրացումների շարքից, որն այժմ 8-րդն է անընդմեջ 2023 թվականի մայիսին կայացած ընտրություններից հետո, և ցավալի է թուրքերի համար, քանի որ երկիրը պայքարում է կտրուկ թուլացած արժույթի և կենսապայմանների թանկացման դեմ։
Էմմա Չոբանյան
