15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
ՌԴ-ում կտրուկ կրճատել են պետպատվերի շրջանակում դեղորայքի գնումները՝ բանակի համար գումար խնայելու համար
Քաղաքականություն
24.01.2024 | 23:16
Ռուսաստանի իշխանությունները կտրուկ կրճատել են պետպատվերով դեղամիջոցների գնումների ծախսերը՝ բյուջեում գումար խնայելու համար, որը վերջին երկու տարվա ընթացքում բանակի վրա ծախսել է ավելի քան 11 տրիլիոն ռուբլի և նախատեսում է նույն գումարը հատկացնել 2024 թվականին, գրում է The Moscow Times-ը։
2023 թվականի հունվար-նոյեմբեր ամիսներին պետական պատվիրատուները բոլոր մակարդակներում, ներառյալ՝ դաշնային և տարածաշրջանային, գնել են 649,8 միլիարդ ռուբլու դեղամիջոցներ:
2022 թվականի նույն ժամանակահատվածի համեմատ՝ դեղերի պետական գնումները նվազել են 23%-ով, հայտնում է РБК-ն՝ վկայակոչելով DSM Group-ի վիճակագրությունը։ Խոսքը գնումների տարբեր ծանր հիվանդություններ ունեցողներին, ինչպես նաև հիվանդանոցներում գտնվող հիվանդներին թերապիա ապահովելու համար անհրաժեշտ դեղորայքի մասին։
Մարզերն առաջինն են սկսել խնայել դեղերի վրա՝ ըստ DSM Group-ի տվյալների։ Տարածաշրջանային իշխանությունների կողմից հայտարարված մրցույթների ծավալը նախորդ տարի նվազել է գրեթե 20%-ով՝ 154,3 միլիարդից հասնելով 128,6 միլիարդ ռուբլու։ Միևնույն ժամանակ, ֆիզիկական ծավալով է՛լ ավելի տպավորիչ է եղել գնումների անկումը՝ 34,5%՝ 648,8 միլիոնից հասնելով 482,3 միլիոնի։
