14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ուկրաինական հետախուզությունը հաստատել է, որ Մոսկվան և Կիևը հունվարի 24-ին պատրաստվում էին գերիների փոխանակել
Քաղաքականություն
24.01.2024 | 17:40
Ուկրաինայի գլխավոր հետախուզական վարչության ներկայացուցիչ Անդրեյ Յուսովը հաստատել է, որ հունվարի 24-ին նախատեսվում էր ռազմագերիների փոխանակում իրականացնել Ռուսաստանի հետ։
«Ես կարող եմ փաստել, որ այսօր նախատեսված փոխանակումը դեռևս չի կայացել»,- ասել է Յուսովը «Ազատություն» ռադիոկայանի ուկրաինական ծառայությանը տված մեկնաբանությունում։
Նրա խոսքով՝ ներկայումս ստուգվում է ռուսական կողմի հայտարարած տեղեկությունը, թե Բելգորոդի շրջանում կործանված Իլ-76 ինքնաթիռում կարող են լինել ուկրաինացի ռազմագերիներ։
Հիշեցնենք, որ ՌԴ ՊՆ-ն հայտնել էր, որ կործանված ինքնաթիռը 65 ուկրաինացի գերիների է փոխադրել։ Ուկրականական ԶԼՄ-ն էլ, ԶՈՒ-ի Գլխավոր շտաբում աղբյուրներին վկայակոչելով, հայտնում են, որ ինքնաթիռը С-300 համակարգերի համար հրթիռներ էր տեղափոխում։
Էմմա Չոբանյան
