03.06.2026 | 11:10
Կարսում Հայաստանի ու Թուրքիայի գործարար շրջանակների հանդիպում է տեղի ունեցել
ՆԱՏՕ-ն զինամթերքի մատակարարման համար ավելի քան մեկ միլիարդ դոլարի պայմանագիր է կնքել
Քաղաքականություն
23.01.2024 | 21:52
Ուկրաինայի դեմ Ռուսաստանի պատերազմի ֆոնին ՆԱՏՕ-ն 1,1 միլիարդ եվրո արժողությամբ զինամթերքի պայմանագիր է կնքել գերմանական և ֆրանսիական արտադրողների հետ, գրում է DW-ի ռուսական ծառայությունը։
Գերմանական Junghans Microtec սպառազինության ընկերությունը և ֆրանսիական Nexter Munitions-ը կմատակարարեն ՆԱՏՕ-ի ստանդարտ 155 միլիմետր տրամաչափի արկեր, Բրյուսելում հայտարարել է ՆԱՏՕ-ի գլխավոր քարտուղար Յենս Ստոլտենբերգը:
Այս տրամաչափի արկերն օգտագործվում են, մասնավորապես, ֆրանսիական Caesar հաուբիցների և գերմանական Panzerhaubitze 2000 ինքնագնաց հրետանային համակարգերի համար, որոնք ՆԱՏՕ-ի երկրների կողմից մատակարարվել են Ուկրաինայի Զինված ուժերին ռուսական ագրեսիան հետ մղելու համար։
Ստոլտենբերգը նշել է, որ զինամթերքն անհրաժեշտ է ինչպես Ուկրաինա ուղարկելու, այնպես էլ դաշինքի անդամ երկրների դատարկ զինանոցները համալրելու համար։ Արտադրողների հետ պայմանագիրը ստորագրվել է ՆԱՏՕ-ի աջակցության և գնումների գործակալության (NSPA) կողմից։ Երկու ընկերություններն էլ պետք է արտադրեն մոտ 220,000 արկ։
Դրանցից առաջինները, ըստ NSPA-ի տնօրեն Սթեյսի Քամինգսի, պետք է երկու տարուց թողարկվեն։
2024 թվականի սկզբին NSPA-ն գերմանական COMLOG ընկերության հետ պայմանագիր էր ստորագրել 1000 Patriot «երկիր-օդ» հրթիռների արտադրության և մատակարարման համար։ 5 միլիարդ եվրոյի այս պայմանագիրը NSPA-ի՝ երբևէ արված ամենամեծ առանձին պատվերներից է:
Էմմա Չոբանյան
