12.08.2026 | 12:41
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Փոխադարձ հրթիռային հարվածներից հետո Իրանն ու Պակիստանը հետ են վերադարձնում իրենց դեսպաններին
Քաղաքականություն
22.01.2024 | 18:30
Իրանի և Պակիստանի ԱԳ նախարարությունները համատեղ հայտարարությամբ խոստացել են իրենց դեսպաններին վերադարձնել երկրների մայրաքաղաքներ, գրում է իրանական Մեհր գործակալությունը։
Հաղորդվում է, որ Իրանի արտաքին գործերի նախարար Հոսեյն Ամիր Աբդոլլահիանի և Պակիստանի ԱԳ նախարարի ժամանակավոր պաշտոնակատար Ջալիլ Աբբաս Ջիլանիի հեռախոսազրույցից հետո երկու կողմերը պայմանավորվել են իրենց դեսպաններին առաքելություններ վերադարձնել մինչև 2024 թվականի հունվարի 26-ը։
Բացի այդ, Աբբաս Ջիլանիի հրավերով հունվարի 29-ին Իրանի ԱԳ նախարարը մեկնելու է Պակիստան։
Հիշեցնենք, որ երկու երկրների հարաբերությունները լարվել են փոխադարձ հրթիռային հարվածներից հետո։ Նախ՝ Իրանն էր հրթիռային հարվածներ հասցրել Պակիստանի, Իրանի ու Սիրիայի տարածքներին։ Ի պատասխան՝ Պակիստանը հրթիռային հարվածներ էր հասցրել Իրանին։
Պայթյունները որոտացել էին Սերավան շրջանում, որը գտնվում է Պակիստանին սահմանակից Սիստան և Բելուջիստան նահանգում։ Երկու երկրների ԱԳՆ-ները միմյանց դեսպաններին հետ էին կանչել։
Էմմա Չոբանյան
