30.05.2026 | 10:10
Տապալված ծառեր, պոկված թիթեղներ․ քամու հետևանքները Երևանում և մարզերում
Թեհրանը դատապարտել է Պակիստանի հարձակումները․ ԱԳՆ է կանչվել Պակիստանի գործերի հավատարմատարը
Քաղաքականություն
18.01.2024 | 14:16
Իրանի ԱԳ նախարարությունը դատապարտել է հինգշաբթի Պակիստանի կողմից Սիստան և Բելուջիստան նահանգների վրա իրականացված հարձակումը, փոխանցում է Մեհր գործակալությունը։
ԱԳՆ խոսնակ Նասեր Քանանին ընդգծել է, որ բողոքի մասին պաշտոնապես ծանուցելու և այս հարցի վերաբերյալ Պակիստանի կառավարությունից բացատրություն ստանալու համար Թեհրանում Պակիստանի դեսպանատան գործերի ժամանակավոր հավատարմատարը կանչվել է երկրի ԱԳՆ։
Հիշեցնենք, որ Պակիստանը հրթիռային հարվածներ էր հասցրել Իրանին։ Պայթյունները որոտացել էին Սերավան շրջանում, որը գտնվում է Պակիստանին սահմանակից Սիստան և Բելուջիստան նահանգում։
Irna գործակալության տվյալներով՝ Պակիստանի հրթիռակոծությունից հետո զոհվել է 9 մարդ, այդ թվում՝ երեք կին և չորս երեխա, որոնք իրանական քաղաքացիություն չեն ունեցել:
Էմմա Չոբանյան
