30.05.2026 | 10:10
Տապալված ծառեր, պոկված թիթեղներ․ քամու հետևանքները Երևանում և մարզերում
Իրանի դեսպանին Պակիստանի ԱԳՆ են կանչել հրթիռային հարվածներից հետո
Քաղաքականություն
17.01.2024 | 11:06
Հայտնել էինք, որ Իրանը երեկ հարվածներ է հասցրել Պակիստանում սուննի «Ջեյշ ալ-Ադլ» խմբավորման երկու հենակետերին: Պակիստանյան կողմը հայտարարել է, որ երկու երեխա է զոհվել հարվածների հետևանքով, ևս երեքը վիրավորվել է, գրում է BBC-ի ռուսական ծառայությունը:
Ավելի վաղ Իրանի իշխանությունները հայտնել էին, որ «Ջեյշ ալ-Ադլ»-ի զինյալները սահմանամերձ շրջաններում հարձակումներ են իրականացրել Իրանի անվտանգության ուժերի ներկայացուցիչների վրա։ Թեհրանը խմբավորումը համարում է ահաբեկչական։
Պակիստանի իշխանությունները Իրանի գործողություններն անօրինական են անվանել և հայտնել, որ հարվածների հետևանքով զոհվել է երկու երեխա: Պակիստանի ԱԳՆ է կանչվել Իրանի գործերի ժամանակավոր հավատարմատարը, նրան բողոքի նոտա է հղվել «երկրի օդային տարածքի չպատճառաբանված խախտման համար»։
Նախօրեին Իրանի Իսլամական հեղափոխության պահապանների կորպուսը հայտարարել էր «տարածաշրջանում հակաիրանական ահաբեկչական խմբավորումների լրտեսական կենտրոնների ու հավաքատեղիների» ոչնչացման մասին։
Իսլամական հեղափոխության պահապանների կորպուսի տվյալներով՝ մեկ հրթիռ է արձակվել Իրաքի քրդական շրջանում գտնվող իսրայելական հետախուզական ծառայության՝ «Մոսադ»-ի շտաբի, ևս մեկը՝ Սիրիայում տեղակայված «Իսլամական պետություն» խմբավորման ենթակառուցվածքի ուղղությամբ։
ԱՄՆ-ը դատապարտել է հարվածները, իսկ Բաղդադում Իրանի ներկայացուցիչը կանչվել է Իրաքի ԱԳՆ։
