15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Իրանը հրթիռային հարված է հասցրել Պակիստանում «Ջեյշ ալ Ադլ» խմբավորման բազային
Քաղաքականություն
16.01.2024 | 22:45
Իսլամական հեղափոխության պահապանների կորպուսը (ԻՀՊԿ) բալիստիկ հրթիռներով և անօդաչու թռչող սարքերով հարվածել է «Ջեյշ ալ Ադլ» («Արդարության բանակ») «ահաբեկչական խմբավորման հիմնական բազային, որը գտնվում է Իրանին սահմանակից Պակիստանի Բելուջիստան նահանգում», «ՌԻԱ Նովոստի»-ի փոխանցմամբ՝ հաղորդում է Press TV գործակալությունը: Սա Իրանի զինված ուժերի առաջին հրթիռային հարվածն է Պակիստանի տարածքում։
Անցյալ տարվա դեկտեմբերի կեսերին Իրանի հարավարևելյան Սիստան և Բելուջիստան նահանգի Ռասկ շրջանում ահաբեկչություն էր տեղի ունեցել, որի հետևանքով առնվազն 12 ոստիկան էր զոհվել, ևս 7-ը` վիրավորվել։ Ահաբեկչության պատասխանատվությունը ստանձնել էր Իրանում ահաբեկչական ճանաչված «Ջեյշ ալ-Ադլ» խմբավորումը, որը պայքարում է իսլամական հանրապետության կառավարության դեմ։
