23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Սաուդյան Արաբիան դեռևս քննարկում է BRICS-ին միանալու հրավերը
Քաղաքականություն
19.01.2024 | 22:48
Սաուդյան Արաբիան դեռևս քննարկում է BRICS-ին միանալու հրավերը, հայտնում է Reuters-ը՝ հղում անելով աղբյուրներին։ Ըստ այդմ, որոշում կայացնելու վերջնաժամկետը՝ հունվարի 1-ը, չի պահպանվել։
Գործակալության զրուցակիցներից մեկը պարզաբանել է, որ դաշինքին միանալը մեծ առավելություններ է տալիս, քանի որ դրա անդամները՝ Չինաստանը և Հնդկաստանը, սաուդյան թագավորության ամենամեծ առևտրային գործընկերներն են։
«Սաուդյան Արաբիան գնահատում է օգուտները, այնուհետև որոշում կկայացնի, գործընթաց է ընթանում»,- ասել է աղբյուրը։
Որոշում կայացնելու համար ժամկետներ նա չի նշել։
Ըստ Reuters-ի՝ Էր Ռիադը կշռադատում է իր տարբերակները՝ ԱՄՆ-ի, Չինաստանի և Ռուսաստանի միջև աճող աշխարհաքաղաքական լարվածության, ինչպես նաև թագավորության՝ «Պեկինի հետ կապերի ջերմացման» ֆոնին, որն արդեն անհանգստություն է առաջացրել Վաշինգտոնում:
Գործակալությունը պնդում է, որ «չնայած Միացյալ Նահանգների հետ ամուր կապերին՝ Սաուդյան Արաբիան ավելի հաճախ գնում է իր ճանապարհով, քանի որ Վաշինգտոնն ավելի քիչ է հետաքրքրված Պարսից ծոցի անվտանգությամբ, քան նախկինում»։
