07.11.2026 | 12:54
Գևորգ Էմին-Տերյանի նկատմամբ ֆիզիկական ներգործության կատարելու կասկածանքով 3 անձ է ձերբակալվել. ՆԳՆ
Թուրքիայի առաջին տիեզերագնացով Axiom-ը 3-րդ առաքելությունն է իրականացնում Միջազգային տիեզերակայանում
Քաղաքականություն
19.01.2024 | 23:30
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Թուրքիայի առաջին տիեզերագնացը և Եվրոպան ներկայացնող անձնակազմի երեք այլ անդամներ հունվարի 18-ին Ֆլորիդայից ուղևորվել են դեպի Միջազգային տիեզերակայան՝ Տեխասի Axiom Space սթարթափի կողմից կազմակերպված վերջին կոմերցիոն առաքելության շրջանակում, գրում են թուրքական լրատվամիջոցները։
ԱՄՆ-ում տեղական ժամանակով 16:49-ին (Թուրքիայի ժամանակով 00:49-ին) SpaceX տիեզերանավն առաջին թուրք տիեզերագնաց Ալփեր Գեզերավջըի հետ հաջողությամբ դուրս է եկել NASA-ի Ֆլորիդայի Քենեդու տիեզերական կենտրոնից։ Այն իր նպատակակետին հասնելու է շաբաթ օրը։
Թուրք օդաչու, ռազմաօդային ուժերի գնդապետ Գեզերավջըի հետ միասին տիեզերական առաքելության անձնակազմում են Իտալիայի ռազմաօդային ուժերի գնդապետ Վալտեր Վիլադեյը, Ax-3-ի նշանակված օդաչուն, շվեդ օդաչու Մարկուս Վանդտը, առաքելության մեկ այլ մասնագետ և 65-ամյա Լոպես Ալեգրիան՝ NASA-ի պաշտոնաթող տիեզերագնաց, Իսպանիայի և Միացյալ Նահանգների երկքաղաքացի: Axiom-ի գործադիր տնօրեն Լոպես Ալեգրիան նաև ղեկավարել է ընկերության առաջին առաքելությունը 2022 թվականի ապրիլին:
Առաքելությունը կոչվում է Axiom Mission 3 (Ax-3), որն ընկերության երրորդ արձակումն է դեպի տիեզերական լաբորատորիա և առաջինը, որտեղ բոլոր երեք վճարովի նստատեղերը գնել են ազգային գործակալությունները, այլ ոչ թե հարուստ անհատները:
Axiom Space-ը հիմնադրվել է 2016 թվականին NASA-ի ISS ծրագրի նախկին ղեկավար Մայքլ Սուֆրեդինիի և ծագումով իրանցի ամերիկացի ձեռնարկատեր Քամ Ղաֆարիանի կողմից:
Էմմա Չոբանյան
