15.01.2026 | 12:27
Նիկոլ Փաշինյանի ճեպազրույցը՝ ՈՒՂԻՂ
Թուրքիայի պատվիրակությունն այս շաբաթ կայցելի ՌԴ՝ քննարկելու գազային հանգույցի նախագծի մանրամասները
Քաղաքականություն
17.01.2024 | 22:10
Թուրքական պատվիրակությունն այս շաբաթ կայցելի Ռուսաստան՝ քննարկելու գազային հանգույցի նախագծի մանրամասները։ Ակնկալվում է նախապատրաստել գործողությունների օրացույց և արագացնել աշխատանքները։ Այս մասին ՌԻԱ Նովոստիին հայտնել է Էներգետիկայի և բնական պաշարների նախարարության աղբյուրը։
«Թուրքական պաշտոնական պատվիրակությունն այս շաբաթ կմեկնի Ռուսաստան։ Պատվիրակությունը ստանալու է «գազի հանգույցի» ստեղծման մասին տեղեկատվություն, քննարկելու է մանրամասները։ Այս տեսչական այցի արդյունքներով ակնկալվում է գործողությունների օրացույցի նախապատրաստում և աշխատանքների արագացում»,- ասել է աղբյուրը։
Նշենք, որ դեկտեմբերի վերջին ՌԴ փոխվարչապետ Ալեքսանդր Նովակը հայտարարել էր, որ կողմերը պայմանավորվել են թուրքական գազային հանգույցի համար ճանապարհային քարտեզ պատրաստել։ Ըստ նրա՝ այն ընդունվելու է մոտ ապագայում, և նախագծի իրականացումը կարող է սկսվել 2024 թվականին։
Դեռևս նոյեմբերի 27-ին հայտնի էր դարձել, որ թուրքական պատվիրակությունը նախատեսում է այցելել Պետերբուրգ դեկտեմբերի առաջին կեսին՝ քննարկելու գազային հանգույցի ճանապարհային քարտեզը։
Հիշեցնենք՝ 2022 թվականի հոկտեմբերին Ռուսաստանի նախագահ Վլադիմիր Պուտինը Թուրքիայի ղեկավար Ռեջեփ Թայիփ Էրդողանին առաջարկել էր երկրում գազային հանգույց ստեղծել։ Թուրքիայի և ՌԴ-ի նախագահները հանձնարարել էին շտապ մշակել Թուրքիայում գազային հանգույցի ստեղծման նախագիծ, որով Ռուսաստանը կարող է գազի տարանցումը Հյուսիսային հոսքերից տեղափոխել դեպի սևծովյան տարածաշրջան և Թուրքիա։ Էրդողանը նաև ասել էր, որ Եվրոպան կարող է ռուսական գազ ստանալ Թուրքիայի տարածքով։ Ավելի ուշ տեղեկություններ տարածվեցին, որ Թուրքիան և ռուսական «Գազպրոմ» ընկերությունը պայմանավորվել են առաջիկայում կազմել գազային հանգույցի ճանապարհային քարտեզն ու սկսել նախագծի իրականացման աշխատանքները։
Էմմա Չոբանյան
