23.07.2026 | 10:44
Ռուբիոն ու Լավրովը 35 րոպեանոց հանդիպում են անցկացրել Մանիլայում․ ինչ հարցեր են քննարկվել
Բրիտանիան ՆԱՏՕ-ի զորավարժություններին 20 հազար զինծառայող կուղարկի
Քաղաքականություն
15.01.2024 | 23:24
Թագավորական նավատորմի, բանակի և թագավորական օդուժի 20,000 անձնակազմ կուղարկվի Եվրոպա՝ 2024 թվականի առաջին կեսին Steadfast Defender 24 զորավարժություններին մասնակցելու համար: Այս մասին, ըստ Մեծ Բրիտանիայի Պաշտպանության նախարարության մամուլի հաղորդագրության, կհայտարարի գերատեսչության ղեկավար Գրանտ Շափսը։
Զորավարժություններին, որոնք կանցկացվեն մի քանի երկրներում, կմասնակցեն հազարավոր զինվորականներ ՆԱՏՕ-ի 31 երկրներից և դաշինքին միանալու թեկնածու Շվեդիայից:
Ռազմական զորավարժությունների ընթացքում Բրիտանիան կօգտագործի F35B նորագույն կործանիչները և Poseidon P8 հսկիչ ինքնաթիռները, Թագավորական նավատորմի նավերն ու սուզանավերը, ինչպես նաև այլ ռազմական հնարավորություններ՝ սկսած նյութատեխնիկական ապահովումից մինչև զրահատեխնիկա և հատուկ գործողությունների ուժեր, ասվում է հաղորդագրության մեջ։
