01.05.2026 | 11:16
Հայտնի են այս տարվա «Ոսկե ծիրան»-ի անցկացման ժամկետները
Իրավիճակն ապակայունացնելու փոխարեն ավելի լավ է՝ նպաստեք խաղաղությանը․ Ֆրանսիայում Ադրբեջանի դեսպանը՝ Փարիզին
Քաղաքականություն
15.01.2024 | 13:51
Մեր տարածաշրջանում իրավիճակն ապակայունացնելու փոխարեն ավելի լավ է՝ նպաստեք խաղաղության հաստատմանը։ Այս մասին X-ում գրել է Ֆրանսիայում Ադրբեջանի դեսպան Լեյլա Աբդուլաևան՝ մեկնաբանելով Le Figaro թերթում հրապարակված «Բաքվի կողմից Ֆրանսիային վարկաբեկելու նպատակով լայնածավալ հարձակում» հոդվածը։
«Դուք շարունակում եք գործել այնպես, կարծես չգիտեք, որ Ղարաբաղը հանդիսանում է Ադրբեջանի միջազգայնորեն ճանաչված տարածքի մի մասը: Երկար ժամանակ անց առաջին անգամ տարածաշրջանում հնարավոր է արդար և կայուն խաղաղություն: Աշխարհին պետք է ճշմարտությունը, ոչ թե սուտ պատմություններ»,- գրել է Աբդուլաևան։
Ֆրանսիական լրատվամիջոցը, մասնավորապես, գրել է, որ Բաքուն վհուկների որս է սկսել Ֆրանսիայի դեմ և ֆրանսիացի Մարտին Ռայանը հինգ շաբաթ է՝ պահում է Բաքվի բանտերում:
Նշենք, որ դեկտեմբերի 4-ին Ֆրանսիայի քաղաքացի Մարտին Ռայանը 4 ամսով կալանավորվել է Ադրբեջանի իրավապահների կողմից, իբր, լրտեսության մեղադրանքով։ Նա իրեն մեղավոր չի ճանաչում։
Պաշտոնական Փարիզը հերքում է Բաքվի մեղադրանքները և պահանջում ազատ արձակել Ֆրանսիայի քաղաքացուն։
Էմմա Չոբանյան
