12.09.2026 | 23:46
Գյումրիում 64-ամյա տղամարդը դանակահարել է հարևաններին՝ հորն ու որդուն․ որդին մահացել է
Պահանջում ենք անհապաղ ազատ արձակել մեր քաղաքացուն․ Ֆրանսիայի ԱԳՆ-ն արձագանքել է Բաքվի մեղադրանքներին
Քաղաքականություն
11.01.2024 | 18:09
Ֆրանսիայի ԱԳ նախարարությունն արձագանքել է «ֆրանսիական լրտեսի» գործի առնչությամբ Բաքվի ներքին գործերին միջամտելու վերաբերյալ Ադրբեջանի արտաքին գործերի նախարարության մեղադրանքներին։
«Մենք հաստատում ենք մեր հայրենակցի կալանավորումը Ադրբեջանի իշխանությունների կողմից անցյալ դեկտեմբերի սկզբից»,- ասվում է Ֆրանսիայի ԱԳՆ հայտարարության մեջ։
Նշվում է, որ Փարիզը սերտ կապի մեջ է Ադրբեջանում կալանավորված ֆրանսիացու ընտանիքի հետ, և Բաքվում Ֆրանսիայի դեսպանատունը հյուպատոսական պաշտպանության շրջանակում երկու անգամ կարողացել է այցելել նրան, նաև մտադիր է շարունակել դա անել՝ միջազգային իրավունքի համաձայն:
«Մենք արդեն հնարավորություն ենք ունեցել մատնանշել Ադրբեջանի իշխանություններին, որ այս կալանավորումը համարում ենք կամայական և պահանջում ենք անհապաղ ազատ արձակել մեր հայրենակցին։ Մենք կտրականապես վերահաստատում ենք, որ մերժում ենք Ադրբեջանի կողմից ներկայացված մեղադրանքները՝ արդարացնելու մեր նկատմամբ թշնամական գործողությունները»,- ասվում է հաղորդագրության մեջ։
Հիշեցնենք, որ Ադրբեջանի իշխանությունները 4 ամսով կալանավորել են Ֆրանսիայի քաղաքացի Մարտին Ռայանին, որին մեղադրում են լրտեսության մեջ։
Էմմա Չոբանյան
