16.01.2025 | 23:02
Հասել ենք հարաբերությունների նոր մակարդակի․ Զելենսկին՝ Սթարմերի այցի մասին
Թուրքիան շարունակում է Սիրիայում և Իրաքում ռմբակոծությունները
Քաղաքականություն
15.01.2024 | 23:17
Թուրքիայի զինված ուժերը շաբաթ և կիրակի օրերին շարունակել են օդային հարվածներ հասցրել Հյուսիսային Իրաքում և Սիրիայում քուրդ զինյալների ուղղությամբ։ Մասնավորապես, Անադոլու գործակալությունը հայտնում է, որ անվտանգության աղբյուրներից ստացված տեղեկատվության համաձայն՝ Իրաքում Թուրքիայի անվտանգության ուժերի վրա հարձակումից հետո MİT-ը (Թուրքիայի հետախուզական ծառայությունը) հարձակումներ է իրականացրել Սիրիայում PKK/YPG-ի վերահսկողության տակ գտնվող ռազմական, հետախուզական, էներգետիկ ենթակառուցվածքային օբյեկտների, ինչպես նաև պատասխանատու պաշտոններ զբաղեցնող անձանց վրա։
Նշվում է, որ Սիրիայում MİT-ի գործողության հետևանքով ոչնչացվել է 23 թիրախ, այդ թվում՝ 5 կրիտիկական ենթակառուցվածքային օբյեկտներ, 3 կառավարման կետ, 8 ռազմական դիրք, 2 զինամթերքի պահեստ, 2 նյութատեխնիկական պահեստ, 2 տեխնիկական սարքավորումների պահեստ և մեքենա։
Բացի այդ, հաղորդվում է, որ ավիահարվածների հետևանքով Իրաքի հյուսիսում՝ Մեթինի և Գարայի շրջանում, չեզոքացվել է PKK-ի 10 զինյալ։ Նշվում է, որ Իրաքում գործողության արդյունքում սպանվել է տեղի PKK-ի ղեկավարներից Հյուլ Մերջենը։
Նշենք, որ հունվարի 12-ին Թուրքիայի ՊՆ-ն հայտարարել էր, որ 9 թուրք զինվոր է զոհվել Հյուսիսային Իրաքում գտնվող բազայի վրա հարձակման հետևանքով։
Էմմա Չոբանյան
