10.07.2026 | 02:01
ԱԱ-2026․ Ֆրանսիան դուրս եկավ կիսաեզրափակիչ․ ՏԵՍԱՆՅՈՒԹ
Թուրքական լիրան դոլարի նկատմամբ նոր ռեկորդային նվազագույնի է հասել
Քաղաքականություն
11.01.2024 | 23:10
Թուրքական լիրան ԱՄՆ դոլարի նկատմամբ հասել է նոր ռեկորդային նվազագույնի․ տեղական ժամանակով կեսօրից անմիջապես առաջ մեկ դոլարի դիմաց լիրայի փոխարժեքը կազմել է 30,005, գրում է CNBC-ն։
Սա առաջին դեպքն է, երբ լիրան ԱՄՆ դոլարի նկատմամբ հատում է 30-ի շեմը՝ նախորդ օրվա համեմատությամբ 0,17%-ով անկում գրանցելով։
Անցած տարվա ընթացքում թուլացած լիրան ԱՄՆ-ի դոլարի նկատմամբ նվազել է մոտ 37%-ով, քանի որ արժութային ոլորտի իշխանությունները փորձում են պայքարել երկնիշ գնաճի դեմ՝ անշեղորեն բարձրացնելով տոկոսադրույքները:
Դեկտեմբերին տարեկան կտրվածքով գնաճը երկրում ավելացել է մինչև 64,8 տոկոսով՝ նոյեմբերի 62 տոկոսի դիմաց։ Այն դեռևս բարելավում է դիրքերը նախորդ տարվա համեմատ՝ այն բանից հետո, երբ 2022 թվականի հոկտեմբերին թուրքական գնաճը հասել էր 85,5 տոկոսի։
Թուրքական լիրայի թուլացումը տեղի է ունենում այն ժամանակ, երբ Թուրքիայի ֆինանսական բարձրաստիճան պաշտոնյաները՝ Կենտրոնական բանկի ղեկավար Հաֆիզե Էրքանը և ֆինանսների նախարար Մեմեդ Շիմշեքը, հավաքվում են J.P. Morgan-ի Նյու Յորքի Ուոլ Սթրիթի կենտրոնակայանում՝ դրամավարկային քաղաքականության, բանկային, ակտիվների ու երկրի ֆինանսական շուկաների վերաբերյալ ներդրողներին ներկայացնելու համար:
Էմմա Չոբանյան
