14.12.2024 | 19:57
Ինչ իրավիճակ է ճանապարհներին 19։35-ի դրությամբ
Թուրքիայում հիվանդը հրկիզել է հոգեբուժարանը
Քաղաքականություն
11.01.2024 | 23:30
Թուրքիայում Բաթմանի հոգեբուժական հիվանդանոցը հրկիզվել է հիվանդներից մեկի կողմից։ Թուրքական լրատվամիջոցների հաղորդմամբ՝ 20 հիվանդ տարհանվել է։
«Ժամը 03:00-ի սահմաններում հոգեբուժական հիվանդանոցի պացիենտ Մ․Ջ․Չ․-ն (27 տարեկան) այրել է Բաթմանի Փընարբաշը թաղամասի 7 հարկանի մասնավոր հիվանդանոցի 4-րդ հարկի սենյակը, որտեղ գտնվել է։ Անձնակազմի ծանուցմամբ հիվանդանոց են մեկնել մարտական հաշվարկ, առողջապահության և ոստիկանության խմբեր»,- ասվում է հայտարարության մեջ։
Նշվում է, որ մինչ 20 հիվանդ տեղափոխվել է մոտակայքում գտնվող մասնավոր հիվանդանոց, հրդեհը մարվել է հրշեջ-փրկարարների միջամտությամբ։
Հիվանդը երկար ժամանակ հրաժարվել է սենյակից դուրս գալ, նրան փրկել են հիվանդանոցի անձնակազմի երկարատև ջանքերի արդյունքում։ Հաղորդվում է, որ հիվանդը ձերբակալվել է։
Թուրքական լրատվամիջոցները նաև կադրեր են հրապարակել հրդեհից։
Էմմա Չոբանյան
