29.03.2026 | 14:53
Միջադեպ Սուրբ Աննա եկեղեցում՝ Փաշինյանի դուրս գալու ժամանակ․ ՏԵՍԱՆՅՈւԹ
Ալիևը Հայաստանի հետ խաղաղության պայմանագրում երաշխավորների կարիք չի տեսնում
Քաղաքականություն
10.01.2024 | 22:21
Ադրբեջանի նախագահ Իլհամ Ալիևը կարծում է, որ Հայաստանի հետ խաղաղության պայմանագրի հարցում որևէ երաշխավորի անհրաժեշտություն չկա:
«Խաղաղության պայմանագրում մենք ոչ մի երաշխավորի կարիք չունենք։ Խաղաղության պայմանագրի ստորագրման հիմնական պայմաններն այժմ ստեղծված են։ Հայաստանն ուզում է, որ խաղաղության այս պայմանագիրը երաշխավորներ ունենա։ Մենք կարծում ենք՝ դրա անհրաժեշտությունը չկա»,- ասել է Ալիևը ադրբեջանական հեռուստաալիքներին տված հարցազրույցում։
Նա ընդգծել է, որ դա կլինի խաղաղության պայմանագիր, որը կստորագրեն երկու ինքնիշխան պետությունները:
«Մեզ այդտեղ (խաղաղության պայմանագրում – խմբ․) ոչ մի երաշխավոր պետք չէ։ Եթե ինչ-որ մեկը ցանկանում է օգնել, ապա մենք դեմ չենք։ Սակայն այդ օգնությունը չպետք է պարտադրված լինի»,- հայտարարել է Ալիևը։
