03.06.2026 | 14:10
«Ռեալը» ներկայացրել է նոր համազգեստը․ ՏԵՍԱՆՅՈՒԹ, ԼՈՒՍԱՆԿԱՐ
Ուկրաինայում Baykar գործարանի շինարարությունը նախատեսվում է ավարտել երկու տարում
Քաղաքականություն
10.01.2024 | 23:02
Ուկրաինայում թուրքական Baykar ընկերության՝ անօդաչու թռչող սարքերի արտադրության գործարանի շինարարությունը նախատեսվում է ավարտել երկու տարվա ընթացքում։ Այս մասին հայտարարել է Թուրքիայում Ուկրաինայի դեսպան Վասիլ Բոդնարը։
«Մենք ակնկալում ենք, որ Baykar-ի գործարանի շինարարությունը կավարտվի երկու տարվա ընթացքում»,- դեսպանի խոսքերն է մեջբերում 24 TV-ն։
Նա չի նշել գործարանի կառուցման վայրը՝ դա բացատրելով անվտանգության նկատառումներով:
Նախկինում դիվանագետը հայտարարել էր, որ ձեռնարկության գործարկումը հնարավոր է մինչև 2023 թվականի ավարտը։ Baykar ընկերությունը հայտնել է, որ նախատեսում է մոտ 100 մլն դոլար ներդնել Ուկրաինայում նախագծերում, այդ թվում՝ անօդաչու թռչող սարքերի արտադրության գործարանի կառուցման համար։
Ուկրաինայի դեսպանը նաև հայտնել է, որ Կիևը մասնակցում է Թուրքիայի կողմից ստեղծվող Kaan հինգերորդ սերնդի կործանիչի շարժիչների արտադրության մրցույթին։
Բացի այդ, նրա խոսքով, ANKA-3 ԱԹՍ-ներն ու ATAK-2 հարվածային ուղղաթիռները հագեցած են ուկրաինական արտադրության շարժիչներով։
