04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ադրբեջանում քննարկվում է այլ պաշտոնյաների հետ Ալիևի որդու մասնակցությունը ԱՄԷ նախագահի ընդունելությանը․ԼՈՒՍԱՆԿԱՐՆԵՐ
Քաղաքականություն
09.01.2024 | 23:17
Նախօրեին պաշտոնական այցով Բաքու էր ժամանել ԱՄԷ նախագահ Շեյխ Մոհամմեդ բեն Զաիդ ալ-Նահյանը։ Ադրբեջանի նախագահ Իլհամ Ալիևի անունից պաշտոնական ընդունելություն է տրվել՝ ի պատիվ ԱՄԷ ղեկավարի։ Ադրբեջանի նախագահականի տարածած լուսանկարներից երևում է, որ Ալիևն այս անգամ պաշտոնական միջոցառմանը մասնակցել է ոչ թե կնոջ՝ երկրի առաջին փոխանախագահ Մեհրիբան Ալիևայի, այլև, առաջին անգամ, որդու՝ Հեյդար Ալիև կրտսերի հետ։ Նա նստած է եղել Ադրբեջանի ԱԳ նախարար Ջեյհուն Բայրամովի և Իլհամ Ալիևի օգնական Հիքմեթ Հաջիևի հետ նույն սեղանի շուրջ։
Սոցիալական ցանցերի ադրբեջանական տիրույթում ևս ակտիվորեն քննարկվում է Ալիև կրստերի մասնակցությունը պաշտոնական ընդունելությանը՝ հաշվի առնելով, որ նա որևէ պաշտոն չի զբաղեցնում։
Նշվում է, որ այսպիսով Իլհամ Ալիևը, ըստ ամենայնի, որդուն, որը, ի տարբերություն կնոջ և դուստրերի, գրեթե չի մասնակցում պաշտոնական ու հանրային միջոցառումների, որոշել է նախապատրաստել քաղաքական ակտիվ գործունեության։ Այս տարի Ադրբեջանում սպասվում են նաև Միլլի Մեջլիսի ընտրություններ և, հնարավոր է, Հեյդար Ալիև կրտսերը դառնա պատգամավոր, ինչպես ժամանակին հայրը՝ Իլհամ Ալիևը։
Էմմա Չոբանյան
