20.02.2026 | 12:04
Արշակ արքեպիսկոպոսին վերագրվող տեսանյութերի փորձաքննության արդյունքների առնչությամբ ասուլիս. ՈՒՂԻՂ
Բաքվի վերաքննիչ դատարանը սկսել է քննել Վագիֆ Խաչատրյանի դատավճռի բողոքարկումը
Հասարակություն
07.01.2024 | 16:56
Բաքվի վերաքննիչ դատարանն այսօր նախնական նիստ է անցկացրել Լաչինի միջանցքում ադրբեջանցի ուժայինների կողմից առևանգված և 15 տարվա ազատազրկման դատապարտված արցախցի Վագիֆ Խաչատրյանի նկատմամբ դատարանի որոշման բողոքարկման վերաբերյալ. հայտնում է 1news.az-ը։
Խաչատրյանն ասել է, որ իրեն մեղավոր չի ճանաչում։
Փաստաբան Ռադմիլա Աբիլովան դատարանին խնդրել է արդարացնել իր պաշտպանյալին։
Մեղադրող կողմը և գործով տուժող ճանաչված Խոջալուի շրջանի գործադիր իշխանության ներկայացուցիչը դատարանին խնդրել են առանց բավարարման մերժել բողոքը։
Հաջորդ դատական նիստը նշանակվել է հունվարի 15-ին։
Հիշեցնենք՝ նոյեմբերի 7-ին Բաքվի ռազմական դատարանը Վագիֆ Խաչատրյանին 15 տարվա ազատազրկման էր դատապարտել։ Չնայած իր դեմ ճնշումներին՝ Խաչատրյանը դատական նիստերում պարբերաբար հայտարարում էր, որ որևէ հանցանք չի գործել և իրեն մեղավոր չի ճանաչում։
Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ադրբեջանական ապօրինի անցակետից։
