12.12.2024 | 12:39
Կառավարության անդամների ճեպազրույցը՝ ՈՒՂԻՂ
Ռոբերտ Քենեդի կրտսերը Յուտա նահանգում առաջադրվել է որպես նախագահի թեկնածու
Քաղաքականություն
04.01.2024 | 19:46
Ռոբերտ Քենեդի կրտսերը Յուտայում նախագահի թեկնածու է առաջադրվել ՝ հավաքելով 1000 անհրաժեշտ ստորագրությունները, գրում է AP-ին։ Նորությունը Քենեդին հայտնել է Սոլթ Լեյք Սիթիում նախընտրական միջոցառման ժամանակ: Յուտան առաջին նահանգն է, որտեղ Քենեդին առաջադրվում է․ սպասվում է, որ հաջորդ նահանգը կլինի Արիզոնան։ Քենեդին մինչ այս քննադատել էր քաղաքական հիմնական կուսակցությունների կողմից չաջակցվող թեկնածուների համար առաջադրման բազմաթիվ խոչընդոտները՝ նշելով, որ որոշ նահանգներում խիստ պահանջները գրեթե անհնարին են դարձնում հանրապետականներին և դեմոկրատներին մարտահրավեր նետելը։
ԱՄՆ ամենահայտնի դեմոկրատական դինաստիաներից մեկի ժառանգը անցյալ աշնանն էր հեռացել կուսակցությունից և հայտարարել նախագահի աթոռի համար պայքարի հայտ ներկայացնելու մասին: Նա նախկին սենատոր, ԱՄՆ նախկին գլխավոր դատախազ Ռոբերտ Քենեդիի որդին է, դեմոկրատ նախագահ Ջոն Քենեդիի եղբորորդին:
