05.08.2026 | 17:12
Ես կերազեմ, որ ինչ-որ մի օր իմ պարտքը լինի ոչ թե 32 մլն դրամ, այլ 32 մլրդ դոլար․ Սիսակ Գաբրիելյան․ ՏԵՍԱՆՅՈՒԹ
Տրոլեյբուսում հրդեհի հետևանքով զոհեր և վիրավորներ չկան
Հասարակություն
02.01.2024 | 14:32
Երևանում թիվ 15 տրոլեյբուսում այսօր բռնկված հրդեհի հետևանքով զոհեր և վիրավորներ չկան: Այս մասին Factor.am-ի հետ զրույցում ասաց Ներքին գործերի նախարարի մամուլի քարտուղար Նարեկ Սարգսյանը:
Հիշեցնենք, որ այսօր 15 համարի տրոլեյբուսում Սեբաստիա փողոցում հրդեհ է բռնկվել, ապա այն հետընթաց է կատարել ու բախվել պարեկային ծառայության ավտոմեքենային: Ըստ նախնական տեղեկությունների` տրոլեյբուսը տեխնիկական անսարքություն է ունեցել:
Ավելի ուշ ՆԳՆ-ն հաղորդագրություն տարածեց․
Հունվարի 2-ին, ժամը 11:35-ին Ճգնաժամային կառավարման ազգային կենտրոն ահազանգ է ստացվել, որ «Եռաբլուր» զինվորական պանթեոնից Մալաթիայի փողոց տանող հատվածում այրվում է տրոլեյբուս։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Ճգնաժամային կառավարման ազգային կենտրոնի օպերատիվ խումբը։
Պարզվել է, որ Սեբաստիայի և Շահումյան 4-րդ փողոցների խաչմերուկում թիվ 15 երթուղին սպասարկող տրոլեյբուսում (վարորդ՝ Վ․ Ա․) հրդեհ է բռնկվել, այնուհետև վերջինս բախվել է կայանած «Skoda» մակնիշի ավտոմեքենային. տուժածներ չկան։
Հրդեհը մեկուսացվել է ժամը 12։01-ին, մարվել՝ 12։26-ին։ Այրվել են տրոլեյբուսը, հարակից հագուստի խանութի պատի գիպսակարդոնից մոտ 4 քմ հատված և ջերմահարվել խաչմերուկի մոտ տեղադրված տեսախցիկը։
