Քաղաքականություն
01.01.2024 | 22:18
Դատելով ուկրաինական մոնիթորինգային ալիքներից ստացված հաղորդագրություններից՝ Ռուսաստանի կողմից գործարկված «Շահեդ»-ների երկու խումբ, պտույտ գործելով Ուկրաինայի տարածքի վրա, հարավ-արևելքից հարձակվում է Կիևի կամ դրա շրջակայքի վրա, գրում է BBC-ի ռուսական ծառայությունը։
«Մայրաքաղաքի ծայրամասերում հակաօդային պաշտպանություն է գործում։ Մնացեք ապաստարաններում»,- գրում է Կիևի ռազմական վարչակազմի telegram-ալիքը։
Մոնիթորինգային ալիքներն առանձին-առանձին կոչ են անում Կիևի հարավ-արևելքում գտնվող Դնեպրի շրջանի բնակիչներին, ինչպես նաև Կիևից արևելք գտնվող Բրովարի քաղաքի բնակիչներին թաքնվել ապաստարաններում։
Ուկրաինայի ԶՈՒ Գլխավոր շտաբը երեկոյան հաղորդագրության մեջ հայտարարել է, որ «Շահեդ»-ների գործողությունը հետ մղելու ընթացքում Ռուսաստանի կողմից արձակված տասը անօդաչու թռչող սարքերից ինը խոցվել է։
Ուկրաինացի զինվորականները չեն նշում, թե որտեղ է հայտնվել չխոցված մեկ անօդաչու թռչող սարքը և ինչ հետևանքներ է ունեցել։
