18.03.2026 | 18:39
Ալիևներն այցով Արցախում են
Ճապոնիայում տեղի ունեցած հզոր երկրաշարժերից հետո ավելի քան հարյուր շենք է վնասվել
Քաղաքականություն
01.01.2024 | 17:04
Ճապոնիայի Իսիկավա պրեֆեկտուրայում տեղի ունեցած մի քանի հզոր երկրաշարժերից հետո ավելի քան հարյուր շենք է վնասվել, մի քանիսը փլուզվել են։ Այս մասին գրում է ՌԻԱ Նովոստին՝ վկայակոչելով տեղական վարչակազմերը։
Մասնավորապես, Տոյամա պրեֆեկտուրայի բնակիչները, որը հարևան է Իսիկավային, հայտնել են վնասների մասին: Բուն Իսիկավայում վնասների մասին դեռևս տեղեկություններ չկան։ Առայժմ հայտնի է միայն Վաջիմա քաղաքում խոշոր հրդեհի մասին, սակայն մանրամասներ չեն հաղորդվում։
Կառավարության գլխավոր քարտուղար Յոշիմասա Հայաշիի խոսքով՝ հայտնի է տան փլուզման առնվազն վեց դեպքի մասին։ Փլատակների տակ կարող են մարդիկ լինել։
Տեղեկություններ կան նաև երկրաշարժի հետևանքով վիրավորների մասին։ Ճապոնական լրատվամիջոցների հաղորդմամբ՝ նրանք ստացել են կյանքին վտանգ չսպառնացող վնասվածքներ։ Մահվան դեպքերի մասին տվյալներ դեռ չկան։
Ցունամիի սպառնալիք է հայտարարվել Ճապոնիայի ամբողջ արևմտյան ափի երկայնքով՝ Հոկայդոյից մինչև Կյուսյու։
Աշխարհի ամենամեծ ատոմակայանի՝ Կաշիվազակի-Կարիվայի տարածքում ալիքի բարձրությունը կազմել է 40 սանտիմետր։ Կառավարությունն ու Ատոմային էներգիայի կոմիտեն ստեղծել են շտաբ՝ ատոմակայաններում վթարները կանխելու համար։
Ցունամիի սպառնալիք է հայտարարվել նաև Ռուսաստանի Հեռավոր Արևելքում՝ Սախալինում, Վլադիվոստոկում, Նախոդկայում և Խաբարովսկի երկրամասում։
