07.11.2026 | 12:15
Վթարային ջրանջատում Երևանի Էրեբունի վարչական շրջանում
Ադրբեջանում արտահերթ նախագահական ընտրություններին հետևելու են ԵԱՀԿ ԺՀՄԻԳ-ի ավելի քան 300 դիտորդներ
Քաղաքականություն
29.12.2023 | 22:34
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
ԵԱՀԿ Ժողովրդավարական ինստիտուտների և մարդու իրավունքների գրասենյակը (ԺՀՄԻԳ) հայտարարել է փետրվարի 7-ին Ադրբեջանում արտահերթ նախագահական ընտրություններում իր դիտորդական առաքելության մեկնարկի մասին։ Բաքվում կայացած մամուլի ասուլիսում ԵԱՀԿ/ԺՀՄԻԳ դիտորդական առաքելության ղեկավար Օուեն Մերֆին (Իռլանդիա) ասել է, որ դիտորդներն 8 շաբաթվա ընթացքում վերահսկելու են նախընտրական քարոզարշավը, բուն քվեարկությունը և ընտրությունների արդյունքների հաշվարկի գործընթացը, գրում են տեղական լրատվամիջոցները։
Առաքելությունը բաղկացած է 11 միջազգային փորձագետներից։ Բացի այդ, նախընտրական քարոզարշավի և ընտրությունների մշտադիտարկում կիրականացնեն 26 երկարաժամկետ դիտորդներ, որոնք կժամանեն հունվարի 3-ին։ Դրանք կընդգրկեն Ադրբեջանի բոլոր շրջանները, այդ թվում՝ մայրաքաղաք Բաքուն։ Երկու երկարաժամկետ դիտորդներ կուղարկվեն շրջաններ։
Մերֆին ասել է, որ ԺՀՄԻԳ-ը հարցումներ է ուղարկել ԵԱՀԿ մասնակից երկրներին՝ ուղարկելու լրացուցիչ 280 կարճաժամկետ դիտորդների՝ վերահսկելու ընտրությունների օրը:
Միջանկյալ զեկույցը կհրապարակվի ընտրություններից երկու շաբաթ առաջ։ Առաքելությունը նախնական զեկույց կհրապարակի քվեարկության հաջորդ օրը, իսկ վերջնական զեկույցը՝ առաջարկություններով, կբաշխվի ընտրություններից մի քանի ամիս անց:
«Մեզ չեն հետաքրքում ընտրությունների արդյունքները, մենք գնահատում ենք ընտրությունների գործընթացը՝ ԵԱՀԿ չափանիշներին և միջազգային պարտավորություններին համապատասխանելու համար»,- ասել է Մերֆին։
Նա չի մեկնաբանել ընդդիմության ներկայացուցիչների հայտարարությունները ռեպրեսիաների և 10 լրագրողների ձերբակալության պայմաններում ժողովրդավարական ընտրություններ անցկացնելու անհնարինության մասին՝ պատճառաբանելով, որ առաքելությունը նոր է սկսել գործունեությունը։
Մերֆին նշել է, որ առաքելությունը հանդիպումներ կանցկացնի և կլսի «բոլոր շահագրգիռ կողմերին»։
Հիշեցնենք, որ Ադրբեջանի Կենտրոնական ընտրական հանձնաժողովը գրանցել է 15 թեկնածուի, որոնց թվում է նաև գործող նախագահ Իլհամ Ալիևը։ Ադրբեջանում հերթական նախագահական ընտրությունները պետք է տեղի ունենային 2025 թվականին, սակայն Ալիևը դեկտեմբերի 7-ին հրամանագիր ստորագրեց 2024 թվականի փետրվարի 7-ին Ադրբեջանում արտահերթ նախագահական ընտրություններ անցկացնելու մասին։
Էմմա Չոբանյան
