07.04.2026 | 21:55
Արարատ Միրզոյանը նվեր է ստացել Օմանի ԱԳ նախարարից
Ադրբեջանում նախագահի թեկնածուների թիվը հասել է 15-ի
Քաղաքականություն
26.12.2023 | 19:23
Ադրբեջանի Կենտրոնական ընտրական հանձնաժողովը (ԿԸՀ) հաստատել է նախագահի պաշտոնում ութ անձի թեկնածությունը։ Ադրբեջանական լրատվամիջոցների հաղորդմամբ՝ այս մասին հայտնել է ԿԸՀ քարտուղար Արիֆ Մուխտարովը։
Քննարկումներից հետո քվեարկությամբ ընդունվել է Սարվան Քերիմովի, Մաթլաբ Մութալլիմլիի, Աբութալիբ Սամադովի, Ֆիքրեթ Յուսիֆովի, Յուսիֆ Բաղիրզադեի, Արզուման Աբդուլքերիմովի, Յունուս Օղուզի և Ղուլամհուսեյն Ալիբեյլիի թեկնածությունները հաստատելու հարցը։
Հավելենք, որ ավելի վաղ Ադրբեջանի ԿԸՀ-ը հաստատել էր 7 անձի թեկնածությունը, որոնց թվում է Ադրբեջանի գործող նախագահ Իլհամ Ալիևը։
Ադրբեջանում հերթական նախագահական ընտրությունները պետք է տեղի ունենային 2025 թվականին։ Սակայն Ալիևը դեկտեմբերի 7-ին հրամանագիր ստորագրեց 2024 թվականի փետրվարի 7-ին Ադրբեջանում արտահերթ նախագահական ընտրություններ անցկացնելու մասին։
Էմմա Չոբանյան
