07.11.2026 | 12:34
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Աշխարհում մարդկության թիվը հասել է պատմական բարձր մակարդակի
Քաղաքականություն
29.12.2023 | 23:17
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
2023 թվականին աշխարհի բնակչությունն աճել է 75 միլիոնով և 2024-ի հունվարի 1-ին կհասնի 8 միլիարդի։ Այս մասին հայտնում է ABC հեռուստաալիքը՝ վկայակոչելով ԱՄՆ մարդահամարի բյուրոյի տվյալները։
Նշվում է, որ նախորդ տարի համաշխարհային աճի տեմպը 1%-ից մի փոքր պակաս է եղել: Իսկ 2024 թվականի սկզբին աշխարհում ամեն վայրկյան կծնվի 4,3 մարդ և կգրանցվի երկու մահ։
Անցյալ տարի ԱՄՆ-ում բնակչության աճի տեմպը կազմել է 0,53%՝ մնացյալ աշխարհի ցուցանիշի մոտ կեսը։ ԱՄՆ-ում ավելացել է 1,7 միլիոն մարդ, իսկ նոր տարում նրա բնակչությունը կկազմի 335,8 միլիոն։
Եթե ընթացիկ տեմպերը շարունակվեն տասնամյակի մնացած հատվածում, 2020-ականները կարող են լինել ԱՄՆ պատմության ամենադանդաղ տասնամյակը, որը 2020-ից 2030 թվականների 10-ամյա ժամանակահատվածում կապահովի 4%-ից պակաս աճ, նշել է Բրուքինգսի ինստիտուտից ժողովրդագրագետ Վիլյամ Ֆրեյը։
Ամենադանդաղ աճող տասնամյակը հաջորդել է 1930-ականների Մեծ դեպրեսիային, երբ աճի տեմպը 7,3% է եղել:
