ԱՄՆ երկրորդ նահանգն է Թրամփին արգելել մասնակցել ընտրություններին

ԱՄՆ նախկին նախագահ Դոնալդ Թրամփին արգելվել է առաջադրվել Մեն նահանգի տարածքում Հանրապետական ​​կուսակցության նախնական ընտրություններում։ Որոշումն ընդունել է Մենի պետքարտուղար Շանա Բելոուսը, գրում է DW-ի ռուսական ծառայությունը։

Բելոուզը իր արգելքը հիմնավորել է ԱՄՆ Սահմանադրության 14-րդ ուղղմամբ, որն արգելում է ապստամբությանը մասնակցած անձանց քաղաքացիական ու ռազմական պետական պաշտոնններ զբաղեցնել։ Թրամփը մեղադրվում է իր կողմնակիցների գործողությունները հրահրելու մեջ, որոնք հանգեցրել էին Կապիտոլիումի գրոհին 2021 թվականի հունվարին։

«Պարոն Թրամփը գիտակցել է բռնության հավականականությունը և,ամեն դեպքում, սկզբում աջակցում էր դրա կիրառմանը,  նա դրան ոչ միայն նպաստել է բորբոքված հռետորաբանությամբ, այլև չի կարողացել ժամանակին միջոցներ ձեռնարկել՝ դադարեցնելու համար»,- ասել է Մենի պետքարտուղարը։

Թրամփի նախընտրական շտաբի ղեկավար Սթիվեն Չժանն արդեն ասել է, որ ԱՄՆ նախկին նախագահի կողմնակիցները դատարանում կվիճարկեն Բելոուսի որոշումը։ Թրամփը նախկինում պահանջել էր, որ Բելոուսը չմասնակցի իր փրայմերիզների քննարկմանը, քանի որ նա Դեմոկրատական ​​կուսակցության նախկին նահանգային սենատոր է և 2021 թվականի հունվարի 6-ի իրադարձությունները հրապարակայնորեն անվանել է ապստամբություն, ինչը, ըստ ԱՄՆ նախկին նախագահի՝ նրան դարձնում է կողմնակալ։

Հիշեցնենք, որ ավելի վաղ էլ Կոլորադոյի Գերագույն դատարանն էր արգելել Դոնալդ Թրամփին առաջադրվել նահանգում երկրի ղեկավարի պաշտոնի համար։