15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
Կոլորադոյի Գերագույն դատարանը Թրամփին արգելել է այդ նահանգում առաջադրվել որպես նախագահի թեկնածու
Քաղաքականություն
20.12.2023 | 11:24
Կոլորադոյի Գերագույն դատարանն արգելել է ԱՄՆ նախկին նախագահ Դոնալդ Թրամփին առաջադրվել նահանգում երկրի ղեկավարի պաշտոնի համար, գրում է DW-ի ռուսական ծառայությունը։
Դատարանի որոշումն ուժի մեջ է մտնելու 2024 թ-ի հունվարի 4-ին և տարածվելու է 2024 թվականի մարտի 5-ին կայանալիք Հանրապետական կուսակցության նախնական ընտրությունների վրա, որոնց ժամանակ այս քաղաքական ուժի թեկնածուները կընտրվեն նախագահի թեկնածու առաջադրվելու համար։
Այս վճիռը հիմնված է երկրի Սահմանադրության 14-րդ փոփոխության վրա։ Այն արգելում է ապստամբությանը մասնակցած անձանց զբաղեցնել քաղաքացիական և ռազմական պետական պաշտոններ։ Դատավորները համարում են, որ 2021 թվականի հունվարին Թրամփի կողմնակիցների կողմից Կապիտոլիումի գրոհը խռովություն էր։ Թրամփի պաշտոնական ներկայացուցիչ Սթիվեն Չժանը դատարանի որոշումն անվանել է «ոչ ժողովրդավարական»։ Թրամփի ներկայացուցիչները մտադիր են դիմել ԱՄՆ Գերագույն դատարան։
ԱՄՆ նախկին նախագահի դեմ նմանատիպ հայցեր են ներկայացվել մի քանի այլ նահանգներում։ Մինեսոտայի Գերագույն դատարանը նոյեմբերին արգելել էր նախկին նախագահին կրկին առաջադրվել, իսկ Միչիգանի դատարանը վճռել էր, որ ոչ թե դատական համակարգը, այլ Կոնգրեսը պետք է որոշի՝ արդյոք Թրամփի անունը կարող է լինել քվեաթերթիկում։
Թրամփի դեմ արդեն չորս քրեական գործ է հարուցվել։ Բոլոր գործերով ընդհանուր առմամբ 91 մեղադրանք է առաջադրվել, սակայն նա հերքում է բոլոր մեղադրանքները։
