07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Իսրայելը սպառնում է վճռական քայլեր ձեռնարկել «Հըզբոլլահ»-ի դեմ, եթե աշխարհը չմիջամտի
Քաղաքականություն
28.12.2023 | 21:54
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Իսրայելի զինված ուժերը վճռական գործողություններ կձեռնարկեն Լիբանանի հետ սահմանին՝ «Հըզբոլլահ»-ին վերացնելու համար, եթե այնտեղից Իսրայելի տարածքի գնդակոծությունը չդադարի, նախազգուշացրել է նախարար Բենի Գանցը, փոխանցում է BBC-ի ռուսական ծառայությունը։
Նա միջազգային հանրությանը և Լիբանանի կառավարությանը կոչ է արել կանգնեցնել զինյալներին Իսրայելի հյուսիսային սահմաններում, հակառակ դեպքում՝ Իսրայելի պաշտպանության բանակը դա կանի։ Ըստ Գանցի՝ դիվանագիտական լուծումների ժամանակը սպառվում է:
Իրավիճակը լիբանանա-իսրայելական սահմանին զգալիորեն վատթարացել է հոկտեմբերի 7-ին Իսրայելի վրա ՀԱՄԱՍ-ի հարձակումից հետո։
«Եթե աշխարհը և Լիբանանի կառավարությունը ոչինչ չանեն Իսրայելի հյուսիսային տարածքների բնակիչների հրետակոծությունը կանխելու համար և «Հըզբոլլահ»-ին հետ չմղեն սահմաններից, ապա Իսրայելի պաշտպանության բանակը կանի դա»,- ասել է Գանցը մամուլի ասուլիսի ժամանակ։
Բենի Գանցը Իսրայելի պաշտպանության բանակի պահեստային գեներալ-լեյտենանտ է, պաշտպանության նախկին նախարար և Իսրայելի գլխավոր շտաբի պետ, իսկ 2023 թվականի հոկտեմբերից՝ առանց պորտֆելի նախարար։
ՀԱՄԱՍ-ի զանգվածային հարձակումից հետո, որի արդյունքում սպանվեց ավելի քան 1200 մարդ, իսկ հարյուրավորները պատանդ վերցվեցին, նա վարչապետ Բենիամին Նեթանյահուի հրավերով միացել է ռազմական կաբինետին:
