15.09.2026 | 14:44
Երթևեկության կազմակերպման փոփոխություն Չարենցի փողոցում
Կիմ Չեն Ընը հրամայել է արագացնել Հյուսիսային Կորեայի պատրաստվածությունը պատերազմին
Քաղաքականություն
28.12.2023 | 22:34
Հյուսիսային Կորեայի առաջնորդ Կիմ Չեն Ընը հրամայել է բանակին, ռազմական արդյունաբերությանն ու միջուկային զենքի ոլորտին արագացնել պատերազմի նախապատրաստումը։ Այս մասին գրում է Reuters գործակալությունը։
«Նա (Կիմը) մարտական առաջադրանքներ է սահմանել Ժողովրդական բանակի և զինամթերքի արդյունաբերության, միջուկային զենքի և քաղաքացիական պաշտպանության ոլորտների համար՝ ավելի արագացնելու պատերազմի նախապատրաստությունը»,- ասվում է հրապարակման մեջ:
Հյուսիսային Կորեայի ղեկավարը կոչ է արել դիմագրավել այն ամենին, ինչը նա անվանել է աննախադեպ առճակատման քայլ ԱՄՆ-ի կողմից»։
Կիմ Չեն Ընի խոսքով՝ Փհենյանը կընդլայնի ռազմավարական համագործակցությունը «հակաիմպերիալիստական անկախ» պետությունների հետ։ Մասնավորապես, Հյուսիսային Կորեան խորացնում է կապերը Ռուսաստանի հետ, քանի որ Վաշինգտոնը մեղադրում է Փհենյանին Մոսկվային ռազմական տեխնիկա մատակարարելու մեջ՝ Ուկրաինայի հետ պատերազմում օգտագործելու համար, մինչդեռ Ռուսաստանը տեխնիկական աջակցություն է ցուցաբերում՝ օգնելու Հյուսիսային Կորեային ընդլայնել իր ռազմական հնարավորությունները։
